Απολυτίκια και Μεγαλυνάρια Αγίων
Της κοιμήσεως της Θεοτόκου
Εν τη γεννήσει την παρθενίαν εφύλαξας, εν τη κοιμήσει τον κόσμον ου κατέλιπες Θεοτόκε’ μετέστης προς την ζωήν, Μήτηρ υπάρχουσα της ζωής’ και ταις πρεσβείαις ταις σαις λυτρουμένη, εκ θανάτου τας ψυχάς ημών
Της Παναγίας Μαλεβής
Ηχος α΄ .Εν τη γεννήσει.
Δεύτε πιστοί αγαλλόμενοι ανυμνήσωμεν την Παναγίαν Παρθένον, ρέει γαρ εκ της εικόνος αυτής Μύρον ευωδιάζον.Δεύτε το θάυμα τιμήσωμεν και την Παρθένον προσκυνήσωμεν και ποιήσωμεν δεήσεις εκτενείς ίνα ρύση υμάς ποικίλων περιστάσεων.
Μεγαλυνάριον
Χαίροις της Ελλάδος ο θησαυρός και της Κυνουρίας σκέπη, τείχος δόξα φρουρός, χαίροις Μαλεβής της Μονής η παρησία, Μαρία Θεοτόκε πιστών βοήθεια.
Των Αγίων Τεσσαράκοντα μαρτύρων
Ηχος γ΄ .Θείας πίστεως.
Θείω Πνεύματι συγκροτηθέντες, δήμος ώφθητε τροπαιοφόρος, Αθλοφόροι Χριστού Τεσσαράκοντα, δια πυρρός γαρ και ύδατος ένδοξοι, δοκιμασθέντες λαμπρώς εδοξάσθητε.Αλλ’ αιτήσασθε, Τριάδα την Υπερούσιον, δωρήσασθαι ημίν το μέγα έλεος.
Μεγαλυνάριον.
Το τετραδεκάριθμον και λαμπρόν, σύντασμα του Λόγου, ευφημήσωμεν εν ωδαίς, κρύει και πυρί γαρ, στερρώς δοκιμασθέντες, εστέφθησαν αξίως οι Τεσσαράκοντα.
Μεγαλυνάριον (Παναγίας Ζερμπίτσας)
Χαίροις της Ζερμπίτσας ο ουρανός Μονής ανυμνούσης των θαυμάτων Σου το γνωστόν, Χαίροις Λακωνίας η Πρόμαχος και Ρύστις κακώσεων του πλάνου ώ υπερύμνητε.
Των Αγίων Ισαποστόλων Κωνσταντίνου και Ελένης
Ηχος πλ. δ΄.
Του Σταυρού Σου τον τύπον εν ουρανό θεασάμενος, και ως ο Παύλος την κλήσιν, ουκ εξ ανθρώπων δεξάμενος, ο εν βασιλεύσιν Απόστολος Σου Κύριε, Βασιλεύουσαν Πόλιν τη χειρί σου παρέθετο, ην περίσωζε διά παντός εν ειρήνη πρεσβείες της Θεοτόκου, μόνε φιλάνθρωπε.
Μεγαλυνάριον.
Τους της ευσεβείας θείους πυρσούς, και των Αποστόλων, θιασώτας και μιμητας, συν τω Κωνσταντίνω, Ελένην την Αγίαν, ως Βασιλέων δόξαν, ανεφημήσωμεν.
Του Αγίου Ιωάννου Μονεμβασιώτη.
Ηχος πλ. α΄.
Ιωάννην τον θείον ανεφημήσωμεν, ως της πίστεως βάσιν, και μέγα στήριγμα, της καρτερίας αληθώς τον αδάμαντα, τον γενναίον αθλητήν και δυσσεβών στηλιτευτήν, τον έκλαμπρον μαργαρίτην, πρεσβεύει γαρ τω Κυρίω, ελεηθήναι τας ψυχάς ημών.
Του Προφήτου Ιωήλ.
Ηχος δ΄.Ταχύ προκατάλαβε.
Ως έμπνουν κειμήλιον, των ιερών αρετών, Προφήτης θεόληπτος, ώφθης σοφέ Ιωήλ, ελλάμψει του Πνέυματος, όθεν της ευσεβείας, η πηγή ως προέφης, έβλυσε τοις εν κόσμω, εκ του οίκου Κυρίου, ης νυν καταπολα΄θοντες, πόθω τιμώμεν σε.
Της Αγίας Θεοδώρας (Βάστας)
Ηχος δ΄.Ταχύ προκατάλαβε.
Ως δώρον πολύτιμον, και προσφοράν λογικήν, Χριστω προσενήνοχας τω επί πάντων Θε΄ω, το αίμα σου πάνσεμνε.Οθεν Οσιομάρτυς, Θεοδώρα δυσώπει, άφεσιν των πταισμάτων, και ψυχών σωτηρίαν, δοθήναι τοις εύφημούσιν, την θείαν σου άθλησιν.
Του Οσίου Παταπίου.
Ηχος α΄.Της ερήμου πολίτης.
Λουτρακίου το κλέος, Κορινθίας το καύχημα και των Γερανίων τον λύχνον, Θεοφόρον Πατάπιον, τιμήσωμεν εν ύμνοις ιεροίς, ιάσεις γαρ παρέχει δαψιλείς, τοις τη θήκη του λειψάνου αυτού πιστως, προστρέχουσι και κράζουσι.Δόξα τω σε δοξάσαντι Χριστώ, δόξα τω σε θαυμαστώσαντι, δόξα τω ενεργούντι δια σου, πάσιν ιάματα.
Της Οσίας Υπομονής.
Ηχος πλ. α΄.Τον συναναρχόν Λόγον.
Την κλεινήν βασιλίδαν εγκωμιάσωμεν, Υπομονήν την οσίαν, περιστεράν ευλαβη εκ του κόσμου πετασθείσαν της συγχείσεως, προς τας σκηνάς του ουρανού, εν αγάπη ακλινεί, ασκήσει και ταπεινώσει βοώντες, Μήτερ, λιταίς σου θραύσον ημών της αμαρτίας δεσμούς.
Του Αγίου Εφραίμ(Νέας Μάκρης).
Ηχος α΄.Της ερήμου πολίτης.
Εν όρει των Αμώμων ώσπερ ήλιος έλαμψας, και μαρτυρικώς, θεοφόρε, προς θεόν εξεδήμησας, βαρβάρων υποστας επιδρομάς, Εφραίμ Μεγαλομάρτυς του Χριστού, δια τούτο αναβλύζεις χάριν αεί, τοις ευλαβώς βοώσι σοι, δόξα τω δεδωκότι σοι ισχύν, δόξα τω σε θαυμαστώσαντι, δόξα τω ενεργούντι δια σου, πάσιν ιάματα.
Μεγαλυνάριον.
Βίω διαλάμπων ασκητικώ, εν όρει Αμώμων, ηγωνίσω μαρτυρικώς, και θαυμάτων χάριν, θέοθεν εκομίσω, Εφραίμ Οσιομάρτυς, Αγγέλων σύσκηνε.
Απολυτίκιο Αγ. Αποστόλου του νέου.
Ήχος γ. Θείας πίστεως.
Θείον βλάστημα, τής Θεσσαλίας, νέον καύχημα, της Εκκλησίας, ανεδείχθης Νεομάρτυς Απόστολε υπέρ Χριστού γαρ αθλήσας στερρότατα, της ευσεβείας την δόξαν ετράνωσας. Άλλα πρέσβευε Κυρίω τω Σέ δοξάσαντι, δωρήσασθαι ημίν το μέγα έλεος.
Κοντάκιο αγ. Αποστόλου.
Ήχος γ'. Ή Παρθένος σήμερον.
Ανδρικω φρονήματι, εν νεαρά ηλικία, διαπρεπών ένδοξε, ως στρατιώτης του Λόγου, ήσχυνας, των εναντίων τάς επινοίας, ήθλησας, μέχρι θανάτου γενναιόφρονος· δια τούτο Σε τιμώμεν, Μεγαλομάρτυς Χριστού Απόστολε.
Μεγαλυνάριο.
Άνθος της νεότητας παριδών, ευτόλμως υπήλθες, εν φρονήματι καρτερώ· τον του Μαρτυρίου, θεοπρεπή αγώνα, και νικητής εδείχθης, θείε Απόστολε.
Απολυτίκιο Αγ. Λαυρεντίου.
Ήχος γ. Την ωραιότητα.
Τώ Θείω Πνεύματι, καταυγαζόμενος, ως άνθραξ έφλεξας, πλάνης την άκανθαν, Αρχιδιάκονε Χρίστου, Λαυρέντιε Αθλοφόρε όθεν ως θυμίαμα, λογικόν ωλοκαύτωσαι, τω σε μεγαλύναντι, τω πυρί τελειούμενος' διό τους σε τιμώντας, θεόφρον, σκέπε εκ πάσης επήρειας.
Κοντάκιο αγ. Λαυρεντίου.
Ήχος β'. Τα άνω ζητών.
Πυρί θεϊκώ, φλεχθείς την καρδίαν σου, το πυρ των παθών, εις τέλος εναπέσβεσας. Αθλητών εδραίωμα, θεοφόρε Μάρτυς Λαυρέντιε και εν άθλοις εβόας πιστώς· Ουδέν με χωρίσει, της σης αγάπης.
Μεγαλυνάριο.
Χαίροις ο Διάκονος του Χριστού, ο διακονήσας, εν τι χάριτι ευσεβώς χαίροις ο τελέσας, δια πυρός ανδρείως, τον ένθεον αγώνα, Μάρτυς Λαυρέντιε.
Απολυτίκιο Αγ. Τριανταφύλλου.
Ήχος γ. Θείας πίστεως
Θείας πίστεως έχων την χάριν, χαίρων ήθλησας ανδρειοφρόνως, Νεομάρτυς Χριστού Τριαντάφυλλε· όθεν ως ρόδον ευφραίνεις ήδύπνευστον, την Έκκλησίαν τη θεία αθλήσει σου. Μάρτυς ένδοξε, Χριστόν τον θεόν ικέτευε, δωρήσασθαι ημίν το μέγα έλεος.
Μεγαλυνάριο.
Χαίροις Νεομάρτυς του Ίησού, των πάλαι Μαρτύρων, Τριαντάφυλλε μιμητής. Χαίροις ο την κλήσιν, Χριστού ομολογήσας, ενώπιον τυράννων, στερρώ φρονήματι.
Κοντάκιον αγ. τριαντάφυλλου
Ήχος δ'. Επεφάνης σήμερον.
Αθλητής αήττητος της ευσέβειας, ανεδείχθης Άγιε, καταβαλών τον δυσμενή όθεν Χριστός, Τριαντάφυλλε, μαρτυρική σε εδόξασε χάριτι·
Απολυτίκιο Αγ. Γεδεών.
Ηχος δ'. Ταχύ προκατάλαβε.
Οσίων ισότιμος και Αθλητών κοινωνός, και θείον αγλάισμα, της Καρακάλλου Μονής, εδείχθης μακάριε· συ γαρ στερρώς αθλήσας, τον εχθρόν ετροπώσω' ένθεν Όσιομάρτυς, Γεδεών εδοξάσθης, πρεσβεύων όπερ πάντων ημών, των ευφημούντων σε.
Μεγαλυνάριο.
Χαίροις των Όσίων ο μιμητής· χαίροις των Μαρτύρων, θιασώτης και ζηλωτής εν γαρ αμφοτέροις, νομίμως διαπρέψας, Όσιομάρτυς ώφθης, Γεδεών ένθεος.
Απολυτίκιο Αγ.Σεραφείμ του εκ Φαναρίου.
Ήχος α'. Της ερήμου πολίτης.
Των Άγραφων τον γόνον Φαναρίου τον Πρόεδρον και Μονής Κορώνης το κλέος, Σεραφείμ ευφημήσωμεν, αθλήσας γαρ λαμπρώς υπέρ Χριστού, θαυμάτων επομβρίζει δωρεάς, και λυτρούται νοσημάτων φθοροποιών, τους πίστει ανακράζοντας' δόξα τω δεδωκότι σοι ισχύν, δόξα τω σε θαυμαστώσαντι, δόξα τω ενεργούντι δια σού, πάσιν ιάματα
Κοντάκιο αγ. Σεραφείμ Επισκόπου Φαναρίου.
Ήχος πλ δ'. Τη Ύπερμάχω.
Της Εκκλησίας τον φωστήρα τον νεόφωτον
Και φαναρίου τον ποιμένα τον θεόκριτον
Άνυμνήσωμεν εν άσμασι φεοφθόγγοις·
Ανατείλας γαρ εσχάτως δι αθλήσεως
Καταυγάζει Όρθοδόξων τα πληρώματα
Χαίροις λέγοντα, Σεραφείμ αξιάγαστε.
Μεγαλυνάριο.
Χρίσματι αγίω τελειωθείς, θερμώς αναδέχη, το μαρτύριον της ζωής· ου γαρ επησχύνθης τον ευαγή αγώνα, ω Σεραφείμ διό σε, Χριστός εδόξασε.
Απολυτίκιο Αγ. Βησσαρίωνος.
Ήχος δ΄. Κανόνα πίστεως
Της Πύλης το βλάστημα, της Θεσσαλίας φωστήρ, της Τρίκκης το σέμνωμα και των θαυμάτων πηγή εδείχθης τρισόλβιε΄ πάσαν δοκιμασίαν εν Χριστώ υπομείνας, δόξη ηγλαισμένος συν Αγγέλοις αγάλλη. Άγιε Βησσαρίων πανάριστε, πρέσβευε Χριστώ τω Θεώ σωθήναι τας ψυχάς ημών.
Απολυτίκιο Έτερον.
Τον ποιμένα Λαρίσης και Τρικκαίων τον έφορον, τον θαυματουργόν Ιεράρχην, του Χριστού Βησσαρίωνα, τιμήσωμεν εν ύμνοις οι πιστοί΄ ιάσεις γαρ πηγάζει δαψιλείς, και λυτρούται νοσημάτων φθοροποιών τους ευσεβώς κραυγάζοντας΄ Δόξα τω σε δοξάσαντι λαμπρώς, δόξα τω σε θαυμαστώσαντι, δόξα τω ενεργούντι δια σου πάσιν ιάματα.
Μεγαλυνάριο.
Χαίροις ο της Λαρίσης θείος ποιμήν, χαίροις ο Τρικκαίων αντιλήπτωρ και αρωγός, χαίροις ο πηγάζων, θαυμάτων θεία ρείθρα, παμμάκαρ Βησσαρίων, τοις προσιούσι σοι.
Απολυτίκιο των δύο Αγίων.
Ήχος α΄. Της ερήμου πολίτης.
Τους κλεινούς ποιμενάρχας της Λαρίσης τιμήσωμεν, τους ομωνυμία και βίω ισαγγέλω εκλάμποντας, τον πρώτον Βησσαρίωνα πιστοί, ομού και τον συνώνυμον αυτώ, Βησσαρίωνα τον δεύτερον εν ωδαίς, συμφώνως ανακράζοντες δόξα τω στεφανώσαντι ημάς, δόξα τω θαυμαστώσαντι, δόξα τω ενεργούντι δι΄ υμών, πάσιν ιάματα
Μεγαλυνάριο των δύο Αγίων Βησσαρίων.
Χαίροις Βησσαρίων Πάτερ σοφέ, Πρόεδρε Λαρίσης και Οσίων ο μιμητής. Χαίροις Βησσαρίων συνώνυμε του πρώτου, ποιμένες Λαρισαίων αξιοθαύμαστοι.
Απολυτίκιο Αγ. Νικολάου.
Ήχος δ'.
Κανόνα Πίστεως και εικόνα πραότητας, εγκράτειας Διδάσκαλον, άνεδειξέ σε τη ποίμνη σου, ή των πραγμάτων αλήθεια δια τούτο εκτήσω τη ταπεινώσει τα υψηλά, τη πτωχεία τα πλούσια, Πάτερ Ίεράρχα Νίκολαέ, πρέσβευε Χριστώ τω θεώ, σωθήναι τάς ψυχάς ημών.
Απολυτίκιο έτερον αγ. Νικολάου.
Ήχος δ'. Ταχύ προκατάλαβε
Ως κρήνη ακένωτος, των θεϊκών δωρεών, πηγάζεις, Νικόλαε, τη οικουμένη αεί, θαυμάτων τα ρεύματα, παύεις των πολύπλοκων, πειρασμών τάς εφόδους, σώζεις τους εν κινδύνοις, ως θερμός αντιλήπτωρ' διό την προστασίαν σου, πάντες κηρύττομεν.
Κοντάκιο αγ. Νικολάου.
Ήχος γ . Ή Παρθένος σήμερον.
Εν τοις Μύροις, Άγιε, Ιερουργός ανεδείχθης, του Χριστού γαρ Όσιε, το Ευαγγέλιον πληρώσας, έθηκας την ψυχήν σου υπέρ λαού σου, έσωσας τους αθώους εκ του θανάτου, δια τούτο ηγιάσθης, ως μέγας μύστης, θεού της Χάριτος.
Μεγαλυνάριο.
Ορφανών προστάτην σε και χηρών, πεινώντων τροφέα, πενομένων τε πλουτιστήν, αιχμαλώτων ρύστην, πλεόντων τε σωτήρα, κεκτήμεθα παμμάκαρ, σοφέ Νικόλαε.
Απολυτίκιο Αγ. Βαρβάρας.
Ήχος πλ. α'.Τον συνάναρχον Λόγον.
Της Τριάδος την δόξαν ανακηρύττουσα, εν τω λουτρώ τρεις θυρίδες υπεσημήνω σαφώς, κοινωνίαν πατρικήν λιπούσα, πάνσεμνε όθεν ηγώνισαι λαμπρώς, ως παρθένος ευκλεής, Βαρβάρα Μεγαλομάρτυς. Αλλά μη παύση πρεσβεύειν, ελεηθήναι τάς ψυχάς ημών.
Κοντάκιο αγ. βαρβάρας.
Ήχος δ'. Ό υψωθείς εν τω Σταυρώ.
Τω εν Τριάδι ευσεβώς ύμνουμένω, ακολουθήσασα σεμνή Αθληφόρε των ειδώλων έλιπες σεβάσματα' μέσον δε του σκάμματος, εναθλούσα Βαρβάρα, τυράννων ου κατέπτηξας, απειλάς ανδρειόφρον, λοψώνως κράζουσα σεμνή Τριάδα σέβω, την μίαν θεότητα.
Μεγαλυνάρια.
Πατέρα λιπούσα τον δυσσεβή, θυγάτηρ εδείχθης, Βασιλέως των ουρανών, υπέρ ον προθύμως, αθλήσασα Βαρβάρα, λυτρούσαι πάσης νόσου τους προσιόντας σοι.Χαίροις Αθληφόρε πανευκλεής, παρθένων ή δόξα, και Μαρτύρων η καλλονή χαίροις ιαμάτων, ή πολυχεύμων κρήνη, Βαρβάρα του Σωτήρος νύμφη περίδοξε.
Απολυτίκιο εις τους Αγίους Πάντας.
Ήχος α'. Του λίθου σφραγισθέντος.
Βλαστούς Ευαγγελίου και καρπούς αμάραντους, χορούς Αγίων Πάντων ευφημήσωμεν πάντες, εν ύμνοις και ωδαίς πνευματικαίς, μιμούμενοι αυτών τάς αρετάς, και αγώνας τους γενναίους από ψυχής, συμφώνως ανακράζοντες' δόξα τω στεφάνωσαντι ημάς' δόξα τω αγιάσαντι' δόξα τω εν τη γη και ουρανώ υμάς δοξάσαντι.
Απολυτίκιο έτερον των αγίων πάντων.
Ήχος α'. Της ερήμου πολίτης.
Των Αγίων απάντων τα μυρία συστήματα, συν τοις Αποστόλοις Προφήτας, Ίεράρχας και Μάρτυρας, Οσίων και Δικαίων τους χορούς, και άθροισμα Αγίων Γυναικών, και συν πασιν, ανωνύμοις τε και γνωστοίς, υμνήσωμεν κραυγάζοντες δόξα τω ενισχύσαντι υμάς, δόξα τω θαυμαστώσαντι, δόξα τω την Έκκλησίαν δι΄ υμών πυρσεύοντι.
Κοντάκιον. Ήχος δ. Ό υψωθείς εν τω Σταυρώ.
Η μνήμη αυτή των Αγίων απάντων, καθάπερ άλλος Ουρανός απαστράπτει, ως Ήλιον μεν λάμποντα εν μέσω τον Χριστόν, έχων ως Σελήνην δε, την Άγίαν Παρθένον, και ως Αστέρας φαίνοντας, κύκλω Πάντας Αγίους. Διό οι εορτάζοντες αυτήν, νούν και καρδίαν, αεί ελλαμπόμεθα.
Μεγαλυνάρια.
Χαίροις Αποστόλων δήμος σεπτός, Προφήται Κυρίου, και Μαρτύρων στερροί χοροί, θείοι Ίεράρχαι, και Όσιοι Πατέρες, και Δίκαιοι και πάντες, χαίρετε Άγιοι.
Ένδοξοι Απόστολοι του Χρίστου, Μάρτυρες Κυρίου, και πανθαυμαστοί Αθληταί, Προφητών ο δήμος, Ιεραρχών Οσίων, ποιήσατε πρεσβείαν, υπέρ υμών προς θεόν.
Τους Προφήτας πάντας άνευφημώ, και τους Αποστόλους, και Οσίους Καθηγητάς, Μαρτύρων την πάσαν, ομήγυριν συμφώνως, και πάντας τους Αγίους, ποθώ και φόβω υμνώ.
Έχοντες εξάρχουσαν την Αγνήν, Νόες συν Προδρόμω, Αποστόλων θείος χορός, Προφητών Μαρτύρων, Ιεραρχών Όσίων, υπέρ ημών τον Κτίστην, καθικετεύσατε.
Απολυτίκιο της Μεταμορφώσεως του Σωτήρος
Μετεμορφώθης εν τω όρει, Χριστέ ο Θεός, δείξας τοις μαΘηταίς σου την δόξαν σου, καθώς ήδύναντο. Λάμψον και ημίν τοις αμαρτωλοίς το φως σου το άίδιον, πρεσβείαις της Θεοτόκου Φωτοδότα, δόξα σοι.
Απολυτίκιο της Πεντηκοστής και του Αγίου Πνεύματος
Ευλογητός ει Χριστέ ο Θεός ημών, ο πανσόφους τούς αλιείς αναδείξας, καταπέμψας αυτοίς το Πνεύμα το Άγιον, και δι ' αυτών την Οικουμένην σαγηνεύσας, φιλάνθρωπε, δόξα σοι.
Κοντάκιον Πεντηκοστής Ήχος πλ. δ'.
Ότε καταβάς τάς γλώσσας συνέχεε, διεμέριζεν έθνη ο Ύψιστος, ότε του πυρός τάς γλώσσας διένειμεν, είς ενότητα πάντας, εκάλεσε και συμφώνως δοξάζομεν το Πανάγιον Πνεύμα.
Μεγαλυνάριον Πεντηκοστής.
Εν πυρίναις γλώσσαις τοις Μαθηταίς, εν τω υπερώω, ως υπέσχου εκ του Πατρός, έπεμψας Σωτήρ μου, το συμφυές σου Πνεύμα, και τούτους της σης δόξης, ρήτορας έδειξας.
Μεγαλυνάριον Αγίου Πνεύματος
Πνεύμα παντοδύναμον αγαθόν, Παράκλητε θείε, ομοούσιε του Πατρός, άμα και Υιού τε, και σύνθρονε τη δόξη, αγίασον και σώσον, τους προσκυνούντάς σε.
Απολυτίκιο Αγ. Στεφάνου του Πρωτομάρτυρα.
Βασίλειον διάδημα εστέφθη ση κορυφή, εξ άθλων ων υπέμεινας, Χριστού του θεού, Μαρτύρων Πρωτόαθλε' Σύ γαρ την Ιουδαίων, απελέγξας μανίαν, είδες σου τον Σωτήρα, του Πατρός δεξιόθεν. Αυτόν ουν εκδυσώπει αεί, υπέρ των ψυχών ημών.
Κοντάκιο Στεφάνου Πρωτομάρτυρα. 'Ηχος γ'. Ή Παρθένος σήμερον.
Ο Δεσπότης χθες ημίν, δια σαρκός επεδήμει, και ο δούλος σήμερον, από σαρκός εξεδήμει' χθες μεν γαρ, ο Βασιλεύων σαρκί ετέχθη σήμερον δε, ο ικέτης λιθοβολείται, δι' Αυτόν και τελειούται, ο Πρωτομάρτυς και θείος Στέφανος.
Μεγαλυνάριο.
Πρώτος Διακόνων αναδειχθείς, πρώτος του Δεσπότου, εχρημάτισας μιμητής· όθεν Αθλοφόρων, πρωτεύων Πρωτομάρτυς, τύπος αυτοίς εγένου, Πρώταθλε Στέφανε.
Απολυτίκιο του Ευαγγελισμού της Θεοτόκου
Σήμερον της σωτηρίας ημών το κεφάλαιον και τού απ ' αιώνος μυστηρίου ή φανέρωσις ο Υιός τού Θεού Υιός τής Παρθένου γίνεται και Γαβριήλ την χάριν ευαγγελίζεται. Διό και ημείς συν αυτώ τη Θεοτόκω βοήσωμεν, Χαίρε, Κεχαριτωμένη, ο Κύριος μετά σου.
Απολυτίκιο Οσίου Δαβίδ του εν Ευβοία .
Ήχος γ'. Θείας πίστεως.
Μέγα εύρατο, Εύβοια κλέος, τον πανένδοξον, Δαβίδ τον θείον, ως ιεράς αρετής καταγώγιον, και του Χρίστου οπαδόν αληθέστατον, και των Όσίων απάντων εφάμιλλον. Διό Πάτερ Όσιε, Χριστόν τον Θεόν ικέτευε, δωρήσασθε ημίν το μέγα έλεος.
Έτερον του οσίου Δαβίδ. Ήχος δ'. Ταχύ προκατάλαβε.
Λοκρίδος αγλάισμα, και της Ευβοίας πυρσός, λαμπρώς αναδέδειξαι, δι' ισαγγέλου ζωής, Δαβίδ Πάτερ Όσιε. Όθεν τοις προσιούσι, τη αγία σου Κάρα, νέμεις αεί ιάσεις, και υγείαν κατ' άμφω, ως έχων παρρησίαν προς Χριστόν, τον σε δοξάσαντα.
Μεγαλυνάριο.
Χαίροις της Μονής σου θερμός φρουρός, και Λίμνης προστάτης, της τιμώσης σε εύλαβώς' χαίροις των εν νόσοις, και θλίψεσν και πόνοις, ο μέγας αντιλήπτωρ, Δαβίδ Πατήρ ημών.
Απολυτίκιο Αγ. Ιωάννου του Ρώσου.
Ήχος δ'. Ταχύ προκατάλαβε.
Εκ γης ο καλέσας σε, προς ουρανίους Μονάς, τηρεί και μετά θάνατον άδιαλώβητον, το σκίνος σου Όσιε. Συ γαρ εν τη Ασία, ως αιχμάλωτος ήχθης, ενθα και ωκειώθης, τω Χριστώ Ιωάννη. Αυτόν ουν ικέτευε, σωθήναι τάς ψυχάς ημών.
Μεγαλυνάριο.
Τον αστέρα πάντες τον φαεινόν, τον εκ Προκοπίου, απαστράψαντα νοητώς, Οσίων το κλέος, και Καππαδόκων δόξαν, τον θείον Ίωάννην ύμνοις τιμήσωμεν.