Δόξα Πατρί και Υιώ και Αγίω Πνεύματι. Και νυν και αεί και εις τους αιώνας των αιώνων αμήν.
’ξιον εστιν ως αληθώς, την υπέρθεον υμνείν Τριάδα, άναρχον Πατέρα και παντουργόν, συνάναρχον
Λόγον, προ αιώνων εκ του Πατρός αρεύστως τεχθέντα, και το ’γιον Πνεύμα, το εκ του Πατρός αχρόνως
εκπορευόμενον.
Υμνήσωμεν πάντες θεοπρεπώς, άσμασιν ενθέοις τον Πατέρα και τον Υιόν, και Πνεύμα το θείον,
Τρισυπόστατον κράτος, την μίαν βασιλείαν και κυριότητα.
Τον Πατέρα και τον Υιόν, και το Πνεύμα πάντες το ’γιον, ομοφρόνως οι πιστοί, δοξολογείν αξίως
ευξόμεθα, Μονάδα Θεότητος, εν Τρισίν υπάρχουσαν υποστάσεσιν, ασύγχυτον μένουσαν, απλήν,
αδιαίρετον και απρόσιτον, δι' ης εκλυτρούμεθα, του πυρός της κολάσεως.
Ον Στρατιαί, ουρανών δοξάζουσι, και φρίττει τα Χερουβίμ, και τα Σεραφίμ, πάσα πνοή και κτίσις,
υμνούμεν, ευλογούμεν, και υπερυψούμεν εις πάντας τους αιώνας.
Τριάς ομοούσιε, Μονάς η Τρισυπόστατος, Σε ανυμνούμεν, Πατέρα δοξάζοντες, Υιόν μεγαλύνοντες,
και Πνεύμα προσκυνούντες, τον ένα φύσει αληθώς, Θεόν ζωήν τε και ζωάς, Βασιλείαν ατελεύτητον.
Ω Τριάς Παναγία, Πάτερ Λόγε και Πνεύμα, η Μία των απάντων Θεότης, τους πλασθέντας χερσί Σου
πιστούς, εκ παντοίας βλάβης του εχθρού λύτρωσαι, και αιωνίου δόξης Σου, αξίωσον τυχείν και ψάλλειν,
αλληλούϊα.
Δόξα σοι Τρισυπόστατε Θεότης, Πάτερ, Υιέ και Πνεύμα, σε προσκυνούμεν και δοξάζομεν, δόξα σοι